Culture for Development Indicators – Technical Report presentation by SCF and ARI

ევროკავშირისა და აღმოსავლეთ პარტნიორობის კულტურისა და კრეატიულობის პროგრამის ფარგლებში, საქართველოში მიმდინარეობსპროექტი - „კულტურის ინდიკატორები განვითარებისათვის“ (CDIS), რომელიც მიზნად ისახავს ქვეყნის ეკონომიკური და მდგრადი განვითარების საქმეში კულტურის როლის წარმოჩენას.

30 იანვარს, კულტურის სამინისტროში გაიმართა პროექტის ფარგლებში ჩატარებული კვლევის, პირველი ეტაპის პრეზენტაცია. ღონისძიებაში მონაწილეობა მიიღეს საქართველოს კულტურისა და ძეგლთა დაცვის მინისტრმა მიხეილ გიორგაძემ, საერთაშორისო ექსპერტებმა - ნაიმა ბურგემ (საფრანგეთი) და საიმონ ელისმა (კანადა), ასევე სხვადასხვა ორგანიზაციის წარმომადგენლებმა. შეხვედრაზე განიხილეს პროგრამის პირველი ეტაპის შედეგები და ისაუბრეს სამომავლო მიზნებსა და ამოცანებზე.

იუნესკოს მიერ შემუშავებული კულტურის ინდიკატორების კვლევის მეთოდოლოგია იკვლევს კულტურის როლს ქვეყნის პოლიტიკის ისეთ 7 საკვანძო განზომილებაში, როგორიცაა: ეკონომიკა, განათლება, მმართველობა, სოციალური ჩართულობა, გენდერული თანასწორობა, კომუნიკაცია და მემკვიდრეობა.ინდიკატორების შემუშავების მეთოდოლოგია საერთაშორისოდაა აღიარებული ევროკავშირისა და იუნესკოს მიერ.

აღმოსავლეთ პარტნიორობის კულტურის პროგრამის ინიციატივით, კულტურის ინდიკატორების კვლევის მეთოდოლოგიის დანერგვა დაიწყო როგორც საქართველოში, ასევე, უკრაინაში, სომხეთში, აზერბაიჯანსა და ბელორუსსში. ამ პროცესში უკვე ჩართულია მოლდოვა.

ვრცლად იხილეთ ► http://gov.ge/s/63877

ფოტო / კულტურის სამინისტრო/გელა ბედიანაშვილი

თბილისი, 30 იანვარი, 2017 წელი.

https://sputnik-georgia.com/culture/20170130/234698741.html

https://www.youtube.com/watch?v=QhZPeTbOwhE